Blog

Cohort အသုံးပြုခြင်း

Cohort ဆိုသည်မှာ user များကို အုပ်စုဖွဲ့ ထားခြင်းဖြစ်သည်။ course များကိုဖန်တီးရာတွင် userများ ( teachers or students) ကို cohort ဖြင့် အလွယ် တကူ ထည့်သွင်းနိုင်သည်။
Cohort များဖန်တီးလိုလျှင် site administration ၏ user အောက်တွင် cohort များကို ဖန်တီးနိုင်သည်။

cohort ဖန်တီးပြီးပါက ဖန်တီးထားသော cohort အလွတ်ထဲသို့ group ဖွဲ့လိုသော user များထည့်သွင်းရမည် ဖြစ်သည်။
Cohort ထဲသို့ user များထည့်သွင်းလိုပါက site administration ၏ user အောက်ရှိ bulk user actions တွင် user များကိုရွေးချယ်၍ add to cohort ဖြင့်ထည့်သွင်းနိုင်သည်။
Cohort များကို course တခုထပ်မကထည့်သွင်းနိုင်သည်။

Course များဖန်တီးခြင်း

ယေဘုယျ အားဖြင့် course များကို ဖန်တီးရာတွင် administrator, course creator, manager များသာ ဖန်တီးနိုင် သည်။
course များကိုဖန်တီးလိုပါက site administration ၏ course အောက်ရှိ manage courses and categories တွင် ကိုယ်ဖန်တီးလိုသော category အောက်တွင် new course ယူ၍ဖန်တီးနိုင်သည်။ (သို့မဟုတ်) site administration ၏ course အောက်ရှိ add a new course တွင် category ရွေးချယ်၍ ဖန်တီးနိုင်သည်။

Course များကိုဖျက်ခြင်း

course များကိုဖျက်ရာတွင် administrator ကသာဖျက်နိုင်သည်။ course creator များမှာ course များဖန်တီးပြီး ၂၄ နာရီအတောအတွင်းသာ ဖျက်နိုင်သည်။
course များကိုဖျက်လိုပါက site administration ၏ course အောက်ရှိ ကိုယ်ဖျက်လိုသော course ရှိသည့် category အောက်တွင် ဖျက်လိုသော course ကို delete နှိပ်၍ဖျက်နိုင်သည်။

userများ ထည့်သွင်းခြင်း

use site Administration,

teacher ၊student များအားလုံးသည် userများ ဖြစ်ကြသည်။ user များထည့်သွင်းလိုပါက အသုံးများသောနည်းလမ်း (၂)မျိုး ရှိသည်။
(၁) user တယောက်ချင်းထည့်သွင်းခြင်း
(၂) user များကို file upload ဖြင့်တခါထဲ တစုတစည်း ထည့်သွင်းခြင်း

(၁) user တယောက်ခြင်းစီထည့် သွင်းရာတွင် site administration ၏ user အောက်ရှိ add a new user တွင် user တယောက်ချင်းစီအလိုက် ထည့်သွင်းနိုင်သည်။

This image has an empty alt attribute; its file name is Screenshot-1731-1024x735.png

Add a new user ရှိ user များကို ဖန်တီးရာတွင် အောက်ပါ အတိုင်း ဖန်တီးနိုင်သည်။ new user အတွက် password ကို ထည့် သွင်း၍ user များ login in ပထမဆုံး ဝင် ချိန် တွင် password ပြောင်း လဲ နိုင် အောင် force password change ဖြင့် လည်း ထည့် သွင်းနိုင်သည်။ (သို့မဟုတ်) password များကို user ၏ mail ထံသို့ auto generate လုပ် ၍ပို့ပေးသော generate password and notify user ဖြင့် လည်း ထည့်သွင်းနိုင်သည်။

(၂) user များကို တခါထဲ ထည့်သွင်းလိုပါက ဦးစွာ text file ကို မိမိ၏ စက်ထဲတွင်ကြိုတင် ပြင်ဆင်ထားရပါမည်။ text file ပြင်ဆင်ရာတွင် fields များကို ထည့်သွင်း ရမည် ဖြစ်သည်။
user account ဆောက် ရာတွင် မဖြစ်မနေ လိုအပ်သော field များမှာ- username,password,firstname,lastname,email တို့ဖြစ်ပါသည်။
ဥပမာအားဖြင့် မိမိ၏ text file ထဲတွင် အောက်ပါ အတိုင်းထည့်သွင်း၍ ပြင်ဆင်နိုင်သည်။

username,password,first name,last name,email
mgmg,Mgmg123,Mg,Mg,mgmg@edu.mm
hlahla,Hla123,Hla,Hla,hlahla@edu.mm

text file ၏ အပေါ် ဆုံး အကြောင်းသည် field များကိုထည့်ရပြီးကျန်အကြောင်းများတွင်user ၏ information များကိုထည့်သွင်းရမည်ဖြစ်သည်။

သတ်မှတ်ချက်များ
(၁) username field တွင် နာမည်သည် small letter များဖြစ်ရမည် ဖြစ်ပြီး space များ မခြားရပါ။
(၂) password field ကို မထည့်ပါက password auto generate လုပ်၍ email သို့ ပေးပို့မည်ဖြစ်သည်။

text file ကို ပြင်ဆင်ပြီးပါက site administration ၏ user အောက်ရှိ upload user တွင် file များကို upload လုပ်၍ user များကိုထည့်သွင်းနိုင်သည်။

inventory management system

ကုန်ပစ္စည်းထိန်း Inventory Management စနစ်

စက်ရုံ၊ အလုပ်ရုံတွေနဲ့ ကုန်ပစ္စည်းထုတ်လုပ်ဖြန့်ဖြူးတဲ့လုပ်ငန်းတွေကစလို့ ဈေးကွက်ထဲက အရောင်းဆိုင်တွေအထိ လုပ်ငန်းလည်ပတ်မှုမှာ မဖြစ်မနေစီမံခန့်ခွဲဖို့လိုအပ်တဲ့ အပိုင်းတစ်ခုကတော့ ထုတ်ကုန်ပစ္စည်းသိုလှောင်ရုံတွေနဲ့ ကုန်ပစ္စည်းစာရင်းတွေကို စနစ်တကျစီမံခန့်ခွဲနိုင်ဖို့ပါပဲ။
ကုန်ပစ္စည်းစာရင်းဇယားတွေအတွက် လုပ်ငန်းတိုင်းမှာ စာရင်းကိုင်တွေက အချိန်အများကြီးပေးပြီး စာရင်းစာအုပ်တွေအများကြီးနဲ့ ကုန်အမှတ်မှားယွင်းမှုမရှိအောင်၊ ပစ္စည်းပြတ်လပ်မှုမဖြစ်အောင်၊ ကုန်ပစ္စည်းအလွဲသုံးစားလုပ်မှုတွေကိုထိန်းသိမ်းနိုင်အောင် စသဖြင့် လုပ်ငန်းရဲ့ အခရာဖြစ်တဲ့ သိုလှောင်ရုံတွေကို စီမံရပါတယ်။ အားလုံးသိတဲ့အတိုင်းပါပဲ လုပ်ငန်းတစ်ခုအတွက် Inventory Management အပိုင်းက ကုန်ပစ္စည်းသိုလှောင်ခြင်းကို စီမံခန့်ခွဲဖို့ဆိုတဲ့ အကြောင်းပြချက်ထက်ပိုပါတယ်။ ဘာလို့လဲဆို​တော့ လုပ်ငန်းရဲ့ငွေကြေးတွေကို ကုန်ပစ္စည်းပေါ်မှာရင်းနှီးမြှုပ်နှံထားရတဲ့အတွက် ငွေကြေးလည်ပတ်စီးဆင်းမှု
ကဒီအပေါ်မှာ အခြေခံနေပါတယ်။

         ဒါကြောင့် ကျွန်မက အသေးစားနဲ့အလတ်စားစီးပွားရေးလုပ်ငန်းတွေအနေနဲ့ ပိုပြီးကောင်းမွန်တဲ့ ကုန်ပစ္စည်းစီမံခန့်ခွဲမှုစနစ်တစ်ခုကိုဖော်ဆောင်နိုင်ဖို့ IT နည်းပညာ နဲ့ မိမိစီးပွားရေးကို ဘယ်လိုပေါင်းစပ်လုပ်ဆောင်နိုင်မလဲဆိုတာကို ဆွေးနွေးပေးချင်ပါတယ်။ ထိုးဖောက်အောင်မြင်ချင်တဲ့စီးပွားရေးလုပ်ငန်းတိုင်းအတွက် မရှိမဖြစ်လိုအပ်တဲ့ ERP Software Solutions ထဲက Inventory Management Software ရဲ့ Features တွေကို လူကြီးမင်းတို့ပိုပြီးမြင်သာအောင် ရှင်းလင်းတင်ပြပေးသွားပါမယ်။

Continue reading

Young Woman using PC while working with customer in a restaurant

SME လုပ်ငန်းများ ပိုမိုအောင်မြင်ရန် IT ကို ထိရောက်စွာအသုံးပြုဖို့လိုနေ

SME ဆိုတာနဲ့ အသေးစားနှင့် အလတ်စား စီးပွားရေးလုပ်ငန်းများ (Small and Medium Business) သို့မဟုတ် Enterprise ပါဘဲ၊၊ ကမ္ဘာ့စီးပွားရေးထိပ်သီးနိုင်ငံတွေဖြစ်တဲ့ အမေရိကန်တို့ ဂျပန်တို့မှာတောင် SME လုပ်ငန်းတွေဟာ သူတို့နိုင်ငံကုမ္ပဏီစုစုပေါင်းအရေအတွက်ရဲ့ ၉၉.၉% နဲ့ ၉၉.၇ရာခိုင်နှုန်းအသီးသီးရှိပြီး၊ တမျိုးသားလုံးထုတ်ကုန် GDP ရဲ့ တဝက်ခန့်ကို တိုင်းပြည်အတွက် ဝင်ငွေရစေပြီး၊ ၎င်းတို့ တိုင်းပြည်မှာ အလုပ်လုပ်သူ အားလုံးရဲ့ သုံးပုံနှစ်ပုံကို အလုပ်အကိုင်ပံ့ပိုးနိုင်ခဲ့လို့ အရမ်းအရေးကြီးတဲ့ ကဏ္ဍဆိုရင် မမှားပါဘူး။ 

စီးပွားရေးအမျိုးအစားကွာခြားပေမဲ့ SME အများစုရဲ့ တူညီတဲ့အချက်က ငွေအရင်းအနှီးနဲ့ ဝန်ထမ်းအရင်းအမြစ် တွေအကန့်အသတ်ရှိကြပါတယ်။ ကြိုးစားမှုကြောင့် ဖေါက်သည်နဲ့ ဝယ်လိုအားတိုးများလာရင် ထုတ်လုပ်နိုင်စွမ်းကို ချက်ခြင်းတိုးမြင့်နိုင်ဖို့ အခက်အခဲပေါင်းစုံ  ကြုံရတတ်ပါတယ်။ ဝန်ထမ်းတချို့ရဲ့ ကျွမ်းကျင်မှုကိုသာ အားကိုးရပြီး စနစ်မရှိလို့ နောက်လူက လိုက်မလုပ်တတ်တာကြောင့် နေမကောင်းဖြစ်လို့ အလုပ်မလာရင်ဖြစ်ဖြစ် အလုပ်ထွက်သွားရင်ဖြစ်ဖြစ် ကျန်လူတွေက ဝင်လုပ်ဖို့ ခက်ခဲရပါတယ်။ အများစုမှာ ကုန်မှားပို့မိလို့၊ စာရင်းမနိုင်လို့၊ ငွေမသိမ်းမိတာတို့၊ ကုန်လက်ကျန်ချက်ချင်းမသိလို့ ကြိုမမှာမိတာတို့၊ အခွင့်အလမ်းတိုးရှာဖို့ လမ်းကြောင်းမရှိတာတို့၊ မလိုအပ်ဘဲ စရိတ်တက်နေတာတို့၊ ဝန်ဆောင်မှု အရည်အသွေး မထိန်းနိုင်တာတို့၊ ဖေါက်သည်ရဲ့ ဝယ်ယူပုံစံကို ခန့်မှန်းချက်လွှဲတာတို့ စတဲ့ ပြဿနာတွေကိုလည်း အနည်းနဲ့အများ ကြုံနေကြရပါတယ်။

SME DX 2020

   SME လုပ်ငန်းများအောင်မြင်အောင် နည်းပညာအသုံးပြုပြီး ဘာတွေကို ဖြေရှင်းပြီး ဆောင်ရွက်လိုက်ရင် ဘယ်လိုအဆင်ပြေတိုးတက်လာမယ်ကို အဓိကထားဆွေးနွေးသွားပါမယ်။ လုပ်ငန်းတွေကို လွယ်ကူလျှင်မြန်စေမဲ့ နည်းပညာ စနစ်တွေကိုသိရှိဖို့၊ ဒီစနစ်တွေရဲ့ အသုံးပြုပုံနဲ့ အကျိုးရှိပုံကို သိရှိဖို့နဲ့ အားသာချက် အားနည်းချက် ကွာခြားပုံကို သိရှိနိုင်ဖို့အတွက် ဆက်လက် တင်ပြသွားပါမယ်။

Continue reading